१५. कुनै दुई प्रश्नको उत्तर दिने क. दिइएको कवितांशबाट सोधिएका प्रश्नको उत्तर दिने अ. सत्तारूढ भन्नाले सत्ता वा शासनमा रहेको भन्ने बुझिन्छ । आ. महिलामाथि विभेद र अन्याय गर्ने भएकाले पुरुषलाई झगडालु…

१५. कुनै दुई प्रश्नको उत्तर दिने क. दिइएको कवितांशबाट सोधिएका प्रश्नको उत्तर दिने अ. सत्तारूढ भन्नाले सत्ता वा शासनमा रहेको भन्ने बुझिन्छ । आ. महिलामाथि विभेद र अन्याय गर्ने भएकाले पुरुषलाई झगडालु वन मानुष भनेर भनिएको हो । इ. सहअस्तित्वको अङ्गालो भन्नाले नारी र पुरुषको समान भूमिका वा अस्तित्व हो । ई. ओदारको छ्यानोमुनि भनेको मातृवात्सल्य वा स्नेह र माया हो । उ. माथिको कवितांशका आशय पुरुष र महिला दुवैको सहकार्य र स्नेहबाट समाज विकास भएको हुनाले लैङ्गिक विभेद गर्न हुँदैन भन्ने हो । ख. दिइएको कथांशबाट सोधिएका प्रश्नको उत्तर दिने अ. यो भनाइ गौरीको हो । आ. यहाँ छोटा भनेर शङ्करको परिवार वा गरिब परिवारलाई भनिएको हो । इ. यो भनाइ गौरीको परिवार घर सरेको सन्दर्भमा आएको हो । ई. यसमा अभिव्यक्त विचारले वर्गीय विभेदको असर बालमस्तिष्कमा पनि पर्छ भन्ने सङ्केत गरेको छ । उ. माथिको भनाइ मधुमालतीको कथाबाट लिएको हो र यसका लेखक रमेश विकल हुन् । ग. दिइएको निबन्धांशबाट सोधिएका प्रश्नको उत्तर दिने अ. शरीर र मन दुवै मिलेर मात्र मानिसको जीवन बन्छ भन्नु नै 'भौतिक शरीरको सौन्दर्य जीवनको सम्पूर्णता होइन' भन्नुको तात्पर्य हो । आ. निबन्धकारका दृष्टिमा मान्छेलाई मनले सुन्दर बनाउँछ कितभने व्यक्तित्वको उद्घाटन मन वा विचारबाट मात्र सम्भव छ । इ. आफ्नो जन्मभूमिको मायाले गर्दा निबन्धकारको मन नफेरिएको होला । ई. निबन्धकारको सुनखानीप्रतिको माया प्रत्येक अक्षरका माध्यमबाट पिरलिएको छ । उ. कदापि भनेको कहिल्यै वा कुनै बखतमा पनि तथा कुरूपको अर्थ नराम्रो रूप हो । अङ्क वितरण : माथिका क, ख, ग अन्तर्गत सोधिएका प्रत्येक प्रश्नको माथि लेखिएजस्तै छरितो र प्रस्ट उत्तर आउने गरी लेखेमा १/१ अङ्कका दरले जम्मा ५/५ अङ्कमा मूल्याङ्कन गर्ने ।