'एक चिहान' उपन्यासको तलको अंश पढी सोधिएका प्रश्नहरूको उत्तर दिनुहोस् : भाइ बहिनीहरूको व्यवहार सिद्धई हलुङ्गो भएको साथसाथै असार पनि राम्रो भएको हुनाले शिवनारान त अत्यधिक खुसी छन्। रोपाइँ सिद्धिएदेखि…

'एक चिहान' उपन्यासको तलको अंश पढी सोधिएका प्रश्नहरूको उत्तर दिनुहोस् : भाइ बहिनीहरूको व्यवहार सिद्धई हलुङ्गो भएको साथसाथै असार पनि राम्रो भएको हुनाले शिवनारान त अत्यधिक खुसी छन्। रोपाइँ सिद्धिएदेखि शिवनारान अहर्निथ खेतैमा रहेका थिए। खेतमा मिहिनेत गरेअनुसार सफलताका चिह्नहरू पनि देखा पर्न थालि सकेका छन्। धानका बिरुवाहरू निकै सप्रिएका छन्। कुनै दुई प्रश्नको उत्तर दिनुहोस् : (क) तलको कवितांश पढी सोधिएका प्रश्नहरूको छोटो छरितो उत्तर लेख्नुहोस् : जहाँ आलु बख्डाका हाँगा हाँगामा फुल्दछन् कुखुराका चल्लाहरू जहाँ मृगमरीचिकाको पछि लाग्नेहरूको यादमा रुन्छन् धूपी र सल्लाहरू, जहाँ बाह्र महिना मानिसका गालामा फुल्दछन् आरुका फुल, जहाँ मुटुको स्पन्दन भैं उफ्री उफ्री खेल्छन् मृगशावकका हुल ।

प्रश्नहरूः (अ) यस कवितांशको 'जहाँ' शब्दले कुन ठाउँलाई सङ्केत गरेको छ ? (आ) मृगशावक मुटुको स्पन्दनभैं खेल्छन् भन्नुको तात्पर्य के हो ? (इ) धूपी र सल्ला रून्नुको कारण के हो ? (ई) मानिसका गालामा आरुका फूल फुल्नुले के कुरालाई के सङ्केत गर्दछ ? (उ) यस कवितांशको मूल भाव के हो ?

(ख) तल दिइएको कथांश पढी अन्त्यमा सोधिएको प्रश्नको छोटो छरितो उत्तर लेख्नुहोस् : म बिस्तारै सडकको ठूलो ढोकाबाट निस्कें। अनि भरिएका आँखाले ढोकाको डण्डीबाट भित्र हेरे, गौरी मतिर हेरि रहेकी थिइन् - "तिमी हाम्रो दिदी आमाको घर नजाउँ है, शङ्कर ! त्यो त बोक्सी बुढी ।" गौरी हात हल्लार्इ हल्लार्इ भन्दै थिइ । दिदीआमा र गौरीका बुवा माथि बरुण्डामा उभिरहेका थिए । "हेर मलाई गाली गरेको ? यो मोरो मार्ने छिमेकमा, छोरी भाड्न आट््यौ तिमीले । छोटाको हावा लागेपछि बडाको स्वभाव कताबाट होस् ? यो छोटाहरूले टोल नछोडेसम्म यिनले छोड्ने होइनन् ।" दिदीआमा बुवासित भन्दै थिइ ।

प्रश्नहरूः (अ) गौरीले शङ्करलाई किन "दिदीआमाको घर नजाउ" भनेकी हो ? (आ) गौरीले आफ्नी फुपुदीदीलाई 'बोक्सी बुढी' भन्नाको कारण के हो ? (इ) "छोटाको हावा लागेपछि बडाको स्वभाव कताबाट होस्" भन्नाको तात्पर्य के हो ? (ई) दिदीआमाले कस्तालाई छोटो भनेकी हुन् ? (उ) उपर्युक्त कथांशबाट गौरी र शङ्करका बीच कस्तो सम्बन्ध देखा पर्छ ?

(ग) तलको निबन्धांश पढी सोधिएका प्रश्नहरूको छोटो छरितो उत्तर दिनुहोस् : एक केजी मासु उत्पादन गर्न १० केजी शाकाहारी भोजन खपत हुन्छ । अर्थात् एक धनी मांसाहारीले १० गरिब शाकाहारीको खाना हसुर्छ । धरी र सम्पन्न वर्गकै इन्धन, ऊर्जा र आहारमा गरिबहरूले पिल्सिनु पर्ने र भोकमरी बेहोर्नु पर्ने स्थिति खडा भएको छ । यसको दोष 'ग्लोबल वार्मिङ' मा थोपरिने प्रवृत्ति पनि छ। जे होस्, भोलिको सङ्घर्ष भोकमा आधारित हुने कुरालाई यत्तिखेर नकार्न मिल्दैन । क्यामरुन, सेनेगल, मौरीटानिया, हाइटी र इन्डोनेसियामा भोकमरीबाट क्रान्तिले जन्म लिन थालेको तथ्य समाचारमा सुनिसकेका छौँ ।

प्रश्नहरूः (अ) यस निबन्धांशमा शाकाहारी र मांसाहारी बीच कस्तो भिन्नता देखााइएको छ ? (आ) भोकमरी भनेको के हो ? (इ) भोकमरीको कारण केलाई मानिएको छ ? (ई) 'ग्लोबल वार्मिङ' को तात्पर्य के हो ? (उ) यस निबन्धांशले प्रस्तुत गरेको मूल समस्या के हो ?